10 نصائح لتعمل من خلال لينكد ان LinkedIn
لينكد إن هو موقع على شبكة الإنترنت يصنف ضمن الشبكات الاجتماعية .. و يستخدم الموقع أساسًا كشبكة تواصل مهنية
في دراسة اتعملت من فترة قالت إن 94% من الناس اللي بتدور على موظفين تشتغل عندهم في الشركة يستخدموا لينكد إن، وده بيوضح أهمية لينكد إن كمكان تلاقي من عليه شغل.
1- الصورة و عنوان الوظيفة:
لازم تخلى الصورة شخصية ليك واضحة ، و تكون صورة رسمية لإن نسبة مشاهدة بروفايلك بتزيد حوالي 9 مرات، و لازم تحت إسمك تكتب عنوان الوظيفة بتاعك حالياً ويكون واضح (position).
2- نبذة مختصرة:
– إكتب في الـ Summary نبذة مُختصرة عنّك ، إعتبرها كدا زي إتكلم عن نفسك في الانترفيو.
3- الخبرات:
إكتب في الخبرات كل حاجة إنت اشتغلت فيها في المجال بتاعك ، إسم الشركة اية؟ المدة قد إية وهل خلاص سبتها ولا لسه مكمل فيها؟ إية الدور اللي كنت بتعمله في الجزء ده وقتها؟
4- التحديث:
دايماً إعمل تحديث للبروفايل بتاعك باستمرار ، وحط كل حاجة إنت أنجزتها سواء في شغلك أو كورس أخدته أو عمل تطوعي عملته.
5- الجروبات:
شارك في الجروبات المهتمة بمجال شغلك أو جروبات التوظيف.
6- حاجات تانية:
اي كورسات أخدتها أو أي حاجات عملتها تطوعي قبل كدة ضيفها في الجزء الخاص بيها.
7- Connections :
دي مهمة جداً، خد بالك إن عددهم مهم جداً في ظهورك في البحث، ويفضل إنهم يكونوا أكتر من 500، وركز دايماً إن أغلب الناس اللي عندك يكونوا من مجالك، وجزء فيه بتوع التوظيف في الشركات اللي بتشتغل في مجالك، والباقي عادي الغرض منهم تكبر بيهم دايرة معارفك.
8- المهارات:
حاول لما تيجي تتكلم عن المهارات بتاعتك إتكلم عن المهارات اللي إنت شايفها في نفسك فعلا وليست مهارات تطمح اليها او تعمل على اكتسابها فى الوقا الحالى .
9- الريكومندشن:
خللي دايماً زملائك أو مديرينك في الشغل أو أي حد إنت إشتغلت معاه أو درّسلك في كورس أو عمل تطوعي يعملّك ريكومندشن ، دي هتفيدك إنه لما حد يدخل يبص على بروفايلك يلاقي ناس بتقول كلام كويس عنك وعن شغلك.
10- ركز في اللي هتكتبه:
ياريت تركز إن لينكد إن دا مكان بروفيشنال وبيمثل السي في بتاعتك أون لاين عشان تقدر تلاقي وظيفة، مش مكان بنكتب فيه بوستات عن حياتنا اليومية زي باقي السوشيال ميديا.
