ازاى تعرف السيرة الذاتية بتاعتك اتفتحت ولا لآ وانت بتقدم على شغل
وانت بتقدم على شغل عن طريق ال Email؟!
احد اهم المشاكل اللى كانت بتقابلنى وانا بقدم على شغل, انى كنت ببعت ال Resume بتاعتى لوظائف كتير ومعرفش اذا كانوا فتحوا ال Resume وشافوا الايميل بتاعى ولا لآ!! .
ده تطبيق مجانى هيساعدك تعمل تتبع لكل الايميلات اللى بتبعتها وانت بتقدم على اى وظيفة, التطبيق اسمه: www.bananatag.com
وبيبعتلك Notification اول ما الايميل بتاعك يتفتح من ال HR, ويقولك اتفتح امتى واذا كان ضغط على اى لينكات جوا الايميل ده كمان .
تقدر تستخدم التطبيق ده مع ال Gmail وال Outlook, بس لو بتستعمل حاجة تانية زى Yahoo .
ممكن تعمل بحث على جوجل بالجملة دى: Email tracking service
وهتلاقى مواقع وتطبيقات تانية كتير بتقدم نفس الخدمة على انواع الايميلات الاخرى.
الهدف من الخدمة دى انك تعرف المشكلة فين وانت بتقدم على شغل:
– يعنى لو عرفت ان الايميل بتاعك اتفتح ومحدش اتصل بيك ده معناه انهم بصوا على ال Resume بتاعتك بس مكنتش انت احسن واحد.
– او لو بتبعت كتير ومحدش بيفتح الايميل بتاعك ده معناه ان طريقة التقديم عن طريق الايميل مكنتش فعالة ومجبتش نتيجة ولازم تشوف طريقة تانية توصل بيها لل HR زى Linkedin مثلا.
ده فيديو بيشرح طريقة استخدامه مع ال Gmail:
