ازاى تحضر للمقابلة الشخصية بشكل قوى ومميز؟!

%70 من نجاحك فى ال Interview مبنى على تحضيرك واستعدادك للمقابلة .

حضر لل Interview, عن طريق انك تعرف اهم قدر من المعلومات عن 4 حاجات بالتحديد:

1- حضر اجاباتك وتقديمك لنفسك: اهم اسئلة هتتسئلها فى ال Interview هتكون عن نفسك, واسوأ حاجة انك متعرفش تجاوبها عشان كده اعمل الاتى .

– راجع ال C.V بتاعك كويس وكل المؤهلات والخبرات المتعلقة بالوظيفة.
– حضر هتقدم نفسك ازاى وازاى هتعرض مؤهلاتك بطريقة تقنعهم بيك
– حضر مواقف وقصص او انجازات تثبت بيها كل مهارة او خبرة هتتكلم عليها.
– واتعلم اكتر عن STAR Technique للاجابة على اسئلة المقابلات.

2- جمع معلومات عن الشركة:

لازم تذاكر كويس الشركة وتعرف نشاطتها وتاريخها وايه اهدافها الفترة اللى جاية وده ممكن تعرفه عن طريق ال Website بتاعهم او صفحتهم على ال Facebook او Linkedin وممكن تستخدم موقع زى : http://www.glassdoor.com واللى هيعرفك عن ثقافة الشركة وتقييمها بشكل عام. وده هيفيدك لو اتسألت عن الشركة او تقدر تستخدم المعلومات دى فى انك تسأل عنها اكتر فى اخر ال Interview وده هيثبت اهتمامك بالشغل.

3- اعرف اكتر عن الوظيفة:

افهم طبيعة الوظيفة اللى انت مقدم عليها, وايه طبيعة شغلك والمهام اللى هتقوم بيها, وايه المؤهلات اللى محتاجاها الوظيفة دى. وده ممكن تعرفه عن طريق اعلان التوظيف اللى قدمت من خلاله او موقع الشركة لو متاح عليه تفاصيل الوظائف ولو مفيش حاجة من دول ممكن تعمل بحث على مواقع الوصف الوظيفى عشان تعرف معلومات اكتر عن الوظيفة واشهر المواقع دى : http://www.onetonline.org

4- اتعرف على الشخص اللى هيعمل معاك ال Interview:

اعرف مين الشخص اللى هيقابلك وده هيفيدك فى انك تتواصل معاه وتفهم خلفيته واهتماماته تقدر تسأل على اسمه وتعمل بحث بسيط على Linkedin وتعرف ايه مؤهلاته وخبراته وتتواصل معاه وده هيخليه يفتكرك اكتر من اى حد.

كل المعلومات دى هتساعدك تكون جاهز لاجابة اسئلة ال Interview بشكل مميز.